júlí 07, 2003

Eiga erl. fjárfestingar rétt á sér?

Það var athyglisvert að hlusta á Spegilinn á eftir kvöldfréttunum í kvöld.
Þar var verið að velta fyrir sér spurningunni hvort að erlendar fjárfestingar ættu rétt á sér. M.ö.o. hvort að það væri forsvaranlegt að Íslendingar væru að fjárfesta í útlöndum. Hvort þessi peningur skilaði sér aftur til landsins o.s.frv.

Ég átti einfaldlega bágt með að trúa því að ég væri að hlusta á þessa umræðu árið 2003, því þetta minnti mann á allt það kjaftæði og þvælu sem einkenndi alla umræðu á Íslandi um efnahagsmál fyrir ekki nema 5-10 árum síðan.

Stór hluti almennings virðist hinsvegar, því miður, ekki skilja það að peningar sem fara úr landi skila sér aftur í formi arðgreiðslna (og skattgreiðslna) og að lítið hagkerfi getur ekki (og í raun ekkert hagkerfi) lifað það af að loka fyrir fjármagnsflutninga til og frá því.
Pöpulískir stjórnmálamenn þreytast aftur á móti ekki á því að röfla um þetta einsog þetta sé sem blæðandi sár í hagkerfinu. Þeir eru ekki svo ólíkir þeim fyrirgreiðslupólitíkusum sem nú mest væla yfir því að ákveðið hafi verið að fresta jarðgangnaborunum milli bæja í NA-kjördæmi.
Er nema von að maður verði pirraður út í umræðuna sem er í gangi í þjóðfélaginu í dag.
Agust skrifaði 07.07.03 22:24

Flokkun: Hagfræði , Hnattvæðing/Globalisation , Stjórnmál , Viðskipti , Ísland
Comments

"Pöpulískir stjórnmálamenn þreytast aftur á móti ekki á því að röfla um þetta einsog þetta sé sem blæðandi sár í hagkerfinu"

Má ég spyrja hvaða stjórnmálamenn tala svona í dag? Og hverjir voru að tala um þetta í Speglinum?

Það er ótrúlegt að fólk skuli hugsa svona.

Einar Örn skrifaði 07.07.03 23:16

Jú var það ekki hann vinur okkar Kristján L. Möller (kjördæmapotari nr. 1 in the greater Siglufjordur area!) nú síðast í Kastljósinu í kvöld?

Æji annars sá ég þáttin nú bara með hálfu hálfu þannig að ég ætti svo sem ekki að segja mikið?

Jensi skrifaði 08.07.03 00:10

Svona mun aldrei hætta, það verða alltaf einhverjir á þessari skoðun en þeir eru engu að síður í minnihluta. Þó svo að þeir geti orðið háværir við og við þá er það mjög ólíklegt að þeir muni nokkru geta breytt frá því frjálsræði í fjármagnsflutningum sem við höfum núna, þeir einfaldlega eru það fáir og hafa engar aðrar lausnir í boði til þess að viðhalda öflugu efnahagslífi.

Gott dæmi um t.d. sama hugsunarhátt á meðal vinstrimanna fyrir síðustu kosningar er t.d. viðbrögðin við innspýtingunni frá ríkisstjórninni, 6 milljörðunum. Á meðan það má deila um það hversu rétt innspýtingin var, upphæðina eða hvað annað þá var eitt arguement sem að vinstrimenn(aðalega Samfylking) settu fram, og gerðu mikið úr, sem mér fannst sýna skilningsleysi á efnahagslífinu.

Það var umræðan um það að peningana ætti að setja í það að hækka bætur(sem hefði þýtt varanleg útgjöld til allra komandi ára, með tilheyrandi halla á ríkissjóði) og verið væri að setja inn í þjóðfélagið peninga sem færu allir í "karlastörf" og væri því bara verið að minnka atvinnuleysi meðal karla. Þetta fannst mér vanhugsað.
Ef við lítum á þá staðreynd að flestar konur vinna annaðhvort verzlunar- eða skrifstofustörf þá hlýtur hver einasti einstaklingur að sjá hversu fáránlegt það væri ef að ríkið ætti að fara að setja upp verzlanir eða fleiri skrifstofur(settar upp eingöngu í þeim tilgangi að setja þær upp). Þurfi að setja ínnspýtingu í efnahagslífið er besta aðferðin til þess að setja af stað framkvæmdir sem munu skila okkur allavega betri mannvirkjum, ef til vill meiri umferðarhraða, meiri skilvirkni.(Siglufjarðargöngin nýju eða viðlíka vitleysa ekki meðtalin)

Þessutan var þetta út úr kú vegna þeirrar einföldu staðreyndar að þeir starfsmenn sem fengu/fá vinnu við þessar framkvæmdir(bæði karlar og konur) munu velta þessum peningum áfram og eyða þeim í vörur og þjónustu(sem er sá "sector" sem konur vinna helst í!), enda hafa þeir líklega ekki frekar en aðrir efni á því að liggja með peningana undir kodda.

Oli G. Hak skrifaði 08.07.03 08:32